Куратор сағатының тақырыбы: « Ғарыштық жылдамдық» жаттығуы

Куратор сағатының мақсаты:

1.      Қойылған міндетті орындау тактикасы мен стратегиясын топпен шешім қабылдау арқылы дағдыларын қалыптастыру;

2.      Топтың және оқушының өздігінен ашылуына бағдар беру.

3.      Топты ұжыммен жұмыс жасауға үйрету, топтық , ұжымдық шешім қабылдауда бірін бірі тыңдау тәрбиесіне үйрету.

Куратор сағатының көрнектілігі: доп немесе ойыншық. Сыныптағы орындықтарды дөңгелете қою керек.

Куратор сағатының түрі: тренинг, жаттығу жүргізу

Куратор сағатының барысы:

1.      Ұйымдастыру;

2.      Жаттығу шартымен таныстыру;

3.      Жаттығуды орындау;

4.      Қорытынды жасау.

Оқушыларды щеңбер бойымен тұрғызып қоямын.

Процесс:

Жаттығуға нұсқау:

1.      Допты кез-келген тәртіпте шеңбер бойымен бір бірімізге беруіміз керек. Доп әрбір қатысушыға бірақ рет түсуі тиіс. Сонымен қатар, допты оң жақтағы және сол жақтағы көршіге бере алмайсыздар. 

2.      Жаттығуды күрделендіру:

      Тура осы жаттығуды анықталған уақытта ғана орындау;

      «Осы уақыттан да тезірек орындай аласыңдар ма?» сұрақ қою

      Басқа да тәсілдерді осы берілген уақытта орындау. (Мысалы, осы тапсырманы екі, үш ойыншықпен жүргізу).

3.      Қорытынды жасауда неге назар аудару қажет?

      Жаттығудың идеясын түсінуге;

      Басқа қатысушыларға түсінушілікпен қарауына;

      Шешім қабылдауына;

      Тәртібінің және қылықтарының өзгеруіне;

      Әрбір қатысушының көңіл күйінің өзгеруіне.

4.      Жүргізушінің сұрақтары бейтарап және еркін таңдау жасауға, саралауға және фантазиясын еркін жеткізе алатындай болуы тиіс.

      Сендердің ойларыңызша бұл жаттығудың мақсаты неде?

      Сендер осы жаттығуды орындауда қандай сезімде болдыңдар?

      Жаттығуды өткізу мезетінде не өзгерді?

      Жаттығуды орындауда қандай шешімге келдіңіз? Бұл шешімге неліктен келдіңіз?

      Бұл жаттығуды топтық деп атар ма едің? Неліктен?